Ziek mee kerst …

‘k Wille zelfs geen toastjes
Veu mij gene kalkoen – geen kalkoen
Koorts en overgeven
Geen glühwein, ’t ès nie te doen

‘k Voelde ’t link al kommn, gist’renavond mee ten achten
Zeer in mijne kop, up het einde van mijn krachten
En ook ne lichten hoest en wa zeer in mijn kele
Heel die kerstperiode werd mij duidelijk te vele

Honing en gember
Ne gram Dafalgan – een bruistablet
Oplossoep mee kieken
En thee uit een kan

Ziek mee kerst, ziek mee kerst
Ziek mee kerst, ziek mee kerst
Mijn darmen zijn gelijk uitgeperst
Eet er enen mijn bed ververst?

Ziek mee kerst, ziek mee kerst
Ziek mee kerst, ziek mee kerst
‘k voele mij heel gestrest
Ik ben were ziek mee kerst

'k Wille geen kroketten
veur mij geen kouwe zalm – ook nie warm
hele dagen afzien
ik houwet beter kalm

‘k Ligge in mijn bedde, mijn familie zit beneden
Nonkel Pol mee de kinders en ik hore link gebeden
’t Ès messe up tv, moar het zoe mij echt verbazen
Moest er enen daarnaar kijken, want ‘k hoor het klinken van de glazen

Honing en gember
Ne gram Dafalgan – vier per dag
Oplossoep mee kieken
En thee uit een kan

Ziek mee kerst, ziek mee kerst
Ziek mee kerst, ziek mee kerst
‘k Voele mij gelijk platgeperst
Eet er enen mijn bed ververst?

Ziek mee kerst, ziek mee kerst
Ziek mee kerst, ziek mee kerst
‘k voele mij heel gestrest
Ik ben were ziek mee kerst

’t Zweet staat in mijn sletsen
Ik ben ziek mee kerst …